Sri Lanka

வெளிநாட்டிலிருந்து வந்தவரிடம் கப்பம் கோரிய நான்காவது சந்தேகநபரும் கைது வீட்டில் வாளும் மீட்பு

வெளி­நாட்­டி­லி­ருந்து தாய­கம் வந்­தி­ருந்­த­வ­ரி­டம் கப்­பம் கோரிய குற்­றச்­சாட்­டில் தேடப்­பட்டு வந்த நான்­கா­வது சந்­தேக நபர் நாகர்­கோ­வில் கிழக்­கில் அவ­ரது வீட் டில் வைத்­துக் கைது செய்­யப்­பட்­டார் எனப் பருத்­தித்­து­றைப் பொலி­ஸார் தெரிவித்தனர்.

அவர் கைது செய்யப்படும்போது அவருடைய வீட்டிலிருந்து வாளும் மீட்கப்பட்டதாகப் பொலிஸார் குறிப்பிட்டனர்.

வெளிநாட்டில் இருந்து வந்த ஒருவரிடம், நாகர்கோவிலைச் சேர்ந்த 4 பேர் கப்பம் கோரியதாகப் பொலிஸ் நிலையத்தில் முறைப்பாடு பதிவு செய்யப்பட்டிருந்தது. மார்ச் மாதம் 29 ஆம் திகதி, சந்தேக நபர்களைக் கைது செய்வதற்காகப் பொலிஸார் நாகர்கோவில் பகுதிக்குச் சென்றிருந்தனர். இதன்போது பொலிஸ் வாகனத்தின் மீது கல் வீச்சு நடைபெற்றிருந்தது.

சந்தேக நபர்களைக் கைது செய்யாமல் பொலிஸார் திரும்பியிருந்தனர்.தொடர் நடவடிக்கையின் விளைவாக மூன்று சந்தேக நபர்கள் பொலிஸாரால் கைது செய்யப்பட்டிருந்தனர். நான்காவது சந்தேக நபரைத் தேடி வருவதாகப் பருத்தித்துறைப் பொலிஸார் தெரிவித்திருந்தனர். இந்த நிலையில், நான்காவது சந்தேக நபரை அவரது வீட்டில் வைத்து நேற்று மாலை கைது செய்துள்ளதாகப் பருதித்துறைப் பொலிஸார் குறிப்பிட்டுள்ளனர். அந்த வீட்டிலிருந்து வாளையும் மீட்டதாக அவர்கள் தெரிவித்தனர்.

Most Popular News