மாலபே தனியார் வைத்தியக் கல்லூரி குறித்த இறுதி முடிவு இன்று

சயிட்டம் தனியார் மருத்துவக் கல்லூரி தொடர்பான அரசாங்கத்தின் இறுதி தீர்மானம் இன்று அறிவிக்கப்படவுள்ளதாக, தெரியவந்துள்ளது.

எதுஎவ்வாறு இருப்பினும், தனது முடிவு குறித்து அரசாங்கம் இதுவரை எதனையும் தெரியப்படுத்தவில்லை என, சயிட்டம் தனியார் மருத்துவக் கல்லூரியின் பதிவாளர் எச்.ஆர்.குசைன் குறிப்பிட்டுள்ளார்.

இதேவேளை, பிரதியமைச்சர் ஹர்சடி சில்வா தலைமையிலான குழுவினர் சமர்ப்பித்த அறிக்கையில், சயிட்டம் வைத்திய கல்லூரியை, மாலபே தகவல் தொழிநுட்ப நிறுவனத்துடன் இணைப்பது குறித்த பரிந்துரைகள் இருப்பதாக, தெரிவிக்கப்படுகின்றது.

சயிட்டம் தனியார் மருத்துவக் கல்லூரி விரிவுரையாளராக இருந்த பேராசிரியர் நெவில் பெர்ணான்டோ இதனைக் குறிப்பிட்டுள்ளார்.

எனவே, சயிட்டம் தனியார் மருத்துவக் கல்லூரியின் பெரும்பாலான பகுதிகள், மாலபே தகவல் தொழிநுட்ப நிறுவனத்துடன் இணைக்கப்பட வாய்ப்புள்ளதாகவும் அவர் சுட்டிக்காட்டியுள்ளார்.