வைத்தியர்களின் சேவையை அரசியல் கோணத்தில் பார்க்கவேண்டாம்

வைத்தியர்களின் சேவையை அரசியல் கோணத்தில் பார்க்கவேண்டாம் என அரசாங்கம் கோரிக்கை விடுத்துள்ளது.

மக்களின் சுகாரத்துக்கு பாதிப்பை ஏற்படுத்தக்கூடிய பல விடயங்களை சுகாதார அமைச்சு மேற்கொள்வதாக, அரசாங்க மருத்துவ அதிகாரிகள் சங்கம் வெளிப்படுத்தியுள்ள குற்றச்சாட்டுக்களுக்கு பதிலளிக்குமாறு தெரிவித்து எதிர்க்கட்சியினால் கொண்டுவரப்பட்ட சபை ஒத்திவைப்பு வேளை பிரேரணை மீதான விவாதம் இன்று நாடாளுமன்றத்தில் இடம்பெற்றது.

இந்த சபை ஒத்திவைப்பு வேளை பிரேரணை மீதான விவாதத்தில் பங்கேற்று உரையாற்றிய போதே சுகாதார அமைச்சர் ராஜித சேனாரத்ன இவ்வாறு கோரிக்கை விடுத்துள்ளார்.

வைத்தியர் ஷாபியை முஸ்லிம் என்று பார்க்காமல் நீதியை பெற்றுக்கொடுக்கவேண்டும். அதேபோன்று பாதிக்கப்பட்டவர்களுக்கும் நீதியை பெற்றுக்கொடுக்க முன்வரவேண்டும் என அவர் குறிப்பிட்டுள்ளார்.

அத்துடன் வைத்தியர்களின் சேவையை அரசியல் கோணத்தில் பார்க்கவேண்டாம் என்று கேட்டுக்கொள்கின்றோம்’ எனவும் அவர் இதன்போது தெரிவித்துள்ளார்.